پکتیکا ولایت کې له پوهنیز نظام سره د خلکو مرستې دوام لري
د پکتیکا ولایت ارګون ولسوالۍ یو تن علم پرور ملي سوداګر محمد شاهد افغان ژمنه وکړه، چې «د بي بي عایشه للبنات اناثیه مدرسې» لپاره به په خپل شخصي لګښت یوه نوې ودانۍ په اساسي ډول ورغوي.
په پلان کې ده، چې د مدرسې دغه نوې ودانۍ به ۸ درسي خونې له نورو اړینو ملحقاتو سره ولري، چې ټولیز لګښت یې ۲۵ زره ډالر اټکل شوی دی.
یاد ملي سوداګر په تېر کې هم د پکتیکا ولایت له پوهنې ریاست سره په بېلابېلو برخو کې مالي مرستې کړې دي.
د يادونې ده، چې اوسمهال په دغه مدرسه کې ٣٩٨ تنې نجونې په ديني زده کړو بوختې دي.
په ورته مهال د پکتیکا ولایت له سروبي ولسوالۍ څخه یو بل خبر دادی چې:
د پوهنې مسئولینو او د سیمه ییزو خلکو په مالي مرسته د یادې ولسوالۍ د زامي لېسې لپاره د ۲۰ زره افغانیو په ارزښت تخنیکي وسایل لکه کمپیوټر، پرنټر، د لمریزې برېښنا سیسټم او نور لوازم وپېرل شول.
د پوهنې وزارت مشرتابه د پکتیکا ولایت علم پروره خلکو له مرستو مننه او قدرداني کوي.
