په لغمان ولایت کې د یو باب ښوونځي بنسټ ډبره کېښودل شوه
د لغمان ولایت د یو تن علم پروره شخصیت حاجي عبدالوکیل رسولي په مالي مرسته، د یاد ولایت مرکز اړوند د لیلا واټ منځني ښوونځي د ودانۍ بنسټ ډبره کېښودل شوه.
په پلان کي ده، د دغه ښوونځی ودانۍ په ۵ جرېبه ځمکه کې د ۱۲ درسي ټولګيو، يوې اداري خونې او نورو اړینو ملحقاتو په لرلو سره جوړه شي، چې ټولټال ۳ مېليونه افغانۍ لګښت به پرې راشي.
د لغمان ولايت پوهنې رئيس مولوي شاه جهان ساجد په وينا، یاد علم پروره شخصیت تر دې دمه د "کتب زای" لېسې لپاره هم ۹ درسي خونې جوړې کړې دي او د يوې بلې ديني مدرسې د جوړېدو لګښت هم د ده له خوا ورکول کېږي.
د پوهنې وزارت مشرتابه له ښوونیز نظام سره د حاجي عبدالوکیل د مرستې له امله مننه کوي.
