ولایتونو څخه د پوهنې څو لنډ خبرونه
خوست:
د خوست ولایت پوهنې ریاست مسئولینو د یاد ولایت سپېرې ولسوالۍ اړوند اوښنګ مرکزي لېسې د بیارغونې له چارو څخه لیدنه وکړه او د هغو کاري کیفیت یې ښه وارزاوه.
د یادولو ده، چې د همدغه ښوونځي ودانۍ د یوهمکار بنسټ په مرسته بیاورغول شوه.
کندوز:
د کندوز ولایت پوهنې رئیس الحاج مولوي فخرالدین نقشبندي، د خصوصي ښوونځیو د تعلیمي او تدریسي وضعیت په اړه د یاد ولایت له پوهنې مسؤلینو سره وکتل.
فراه:
د فراه ولایت پوهنې رئیس الحاج مولوي اختر محمد زعیم، د یاد ولایت د مرکز چهارباغ کلي له علماوو، قومي مخورو او سپین ږیرو سره په کتنه کې د ښوونیزو بنسټونو د پوهنیزو ستونزو په اړه خبرې وکړې او د یادو ستونزو د حل په برخه کې د همکارۍ ژمنه وکړه.
بغلان:
څه موده وړاندې د بغلان ولايت مرکز پلخمري ښار د ښوونځيو د زده کوونکو ترمنځ د ا.مارت پېژندنې سيالۍ ترسره شوې، چې په پایله کې یې د یاد ولایت پوهنې ریاست له لوري ۲۰ تنو ممتازو زده کوونکو ته د هغوی د هڅونې په موخه ډالۍ ورکړل شوې.
