د بدخشان ولایت پوهنې رئیس د پوهنې وزارت د اسلامي زده کړو له معین سره وکتل
د بدخشان ولايت پوهنې رئيس مولوي نصرت الله فيضاني چې د پوهنې رياست د ځينو ستونزو د حل، وړانديزونو او چارو ترسره کولو په موخه مرکز ته سفر کړی، نن يې د پوهنې وزارت د اسلامي زده کړو له معین الحاج مولوي کرامت الله آخندزاده سره وکتل.
په یاده کتنه کې دواړو لوریو د بدخشان ولايت پوهنیز حالت په باب مفصلې خبرې وکړې او د دغه رياست د پرمختګونو ، دندو او اداري ستونزو په باب يې نظرونه تبادله کړل.
د پوهنې وزارت د اسلامي زده کړو معین د بدخشان ولايت پوهنې رياست له کړنو څخه د ستاينې ترڅنګ ژمنه وکړه چې د شته ستونزو په حل کې به له دغه رياست سره همکاري وکړي.
