د پکتیکا ولایت پوهنې ریاست ته د ۳،۷ مېلیونه افغانیو په لګښت درسي توکي ولېږل شول
د پوهنې وزارت له لوري د پکتیکا ولایت پوهنې ریاست ته د ۳،۷ مېلیونه افغانیو په لګښت تخنیکي وسایل او ښوونیز توکي واستول شول، چې ټاکل شوې د یاد ولایت د مرکز او ۲۵ ولسوالیو پر ښوونځیو ووېشل شي.
د یاد ولايت د پوهنې رياست مسئولينو د معلوماتو له مخې، په دغو توکو او اجناسو کې کمپيوټرونه، پرنټرونه، مېزونه، څوکۍ، المارۍ، د لوبو وسايل، جامې او نور اړين توکي شامل دي، چې په وېشلو سره به يې تر ډېره د ښوونځيو ستونزې هوارې شوې.
د ښوونیزو مرکزونو مسئولینو او ښوونکو د دغو توکو په ترلاسه کولو خوښي څرګنده او د هغو شتون یې د زده کوونکو په تدریسي بهیر کې خورا اغېزمن وباله.
