په دایکنډي ولایت کې د ښوونځیو آمرینو او ښوونکو لپاره ورکشاپ پیل شو
د دایکنډي ولایت کجران او کیتي ولسوالیو د ښوونځيو ښوونکو او آمرینو د مسلکي وړتیاوو لوړولو په موخه، «د اغېزمنې زدهکړې او پوهنې ترویج» په نوم د شپږ ورځني تعلیمي ورکشاپ پروګرام پیل شو.
یاد پروګرام د یوې همکارې ادارې په ملاتړ او د پوهنې مسئولینو په حضور کې جوړ شو.
د پروګرام د پرانیستې په غونډه کې، مسئولینو ګډونوالو ته سپارښتنه وکړه چې، خپل علم، تجربه او مهارتونه په تفصیلي ډول له نورو ښوونکو سره شریک کړي، تر څو هغوی په خپلو ښوونځیو کې د معیار او کیفیت له مخې ګټورې عملي تجربې شریکې کړي.
