د پوهنې وزارت د دعوت او ارشاد ریاست د کړنو «اوونیز راپور
د پوهنې وزارت د دعوت او ارشاد د رئیس الحاج مولوي جمعه خان سروري په لارښوونه د یاد ریاست مسئولینو له لوري په تېره اوونۍ کې، د همدغه وزارت د مرکزي هستې ټولو کارکوونکو او منسوبینو ته د دیني درسونو تدریس دوام درلود.
همدارنګه د دعوت او ارشاد ریاست مبلغینو، د پوهنې وزارت منسوبینو ته په یو شمېر پوهنیزو برخو کې د نیمګړتیاوو له منځه وړلو، په ورځنیو چارو کې د شرعي مسایلو په بشپړ تطبیق او دیني درسونو زده کړې په برخه کې لازمې سپارښتنې وکړې.
له بلي خوا د مرکزي ادارو ټولو کارکوونکو ژمنه وکړه، چې د یاد ریاست د لارښوونو سره سم به خپلې ورځنۍ چارې ترسره کړي.
په ورته مهال د دعوت او ارشاد ریاست مسئولینو د پوهنې وزارت د مرکزي هستې کارکوونکو ته اصلاحي وینا وکړه، د هغوی اداري کړنې یې وکتلې او ور څخه یې وغوښتل، تر څو خپلو مسئولیتونو او دندو ته په جدي ډول متوجې واوسي او د مراجعینو کارونه پرته له ځنډ څخه په ټاکلي وخت سرته ورسوي.
همدارنګه دعوت او ارشاد ریاست ته له کابل ښار او د ولایتونو له پوهنې ریاستونو څخه لاس ته راغلي راپورونه ښیي چې:
په تېره اوونۍ کې له ټاکل شوي مهالوېش سره سم د تعلیمي مرکزونو اړوندو کارکوونکو ته د دیني درسونو لړۍ په نورمال ډول روانه وه.
