د ولایتونو له پوهنې ډګره څو لنډ خبرونه
- پکتیکا
د پکتیکا ولایت مرکز ښرنې اړوند د یوسف بابا لومړنی ښوونځی تر څلورو کلونو وقفې وروسته بیاځلې د پوهنې وزارت لخوا فعال شو او له ۱۰۰ تنو څخه زیاتو زده کونکو ته ښوونیز او روزنیز چوپړونه وړاندې کوي.
- هلمند
د هلمند ولایت د ګرشک او ګرمسېر ولسوالیو د ښوونځیو آمرینو، مدیرانو او سرښوونکو لپاره د مسلکي وړتیا لوړولو پینځه ورځنی سیمینار پیل شو.
- کاپیسا
پوهنې وزارت، د کاپیسا ولایت حصه دوم ولسوالۍ اړوندو ښوونځیو لپاره د تعلیمي مرکزونو کارولو په موخه، د ۲۱۹ زره افغانیو په لګښت یوه ټوټه ځمکه اخیستې ده.
- همدارنګه، د یو تن معارف دوست شخصیت ملک عبدالمنیر لخوا په یاده ولسوالۍ کې د شهید غلام حیدر منځني ښوونځي لپاره ۲.۵ جرېبه ځمکه وقف شوې ده.
