بدخشان ولایت کې د ۱.۵ مېلیونه افغانیو په لګښت د درسي خونو جوړولو چارې پیل شوې
د بدخشان ولایت خواهان ولسوالۍ اړوند کمر عالي لېسې لپاره د ۳ بابه درسي ټولګيو او یوې اداري خونې جوړولو چارې، د یو مېلیون ۵۶۵ زره ۴۰۳ افغانیو څخه په زیات لګښت، د پوهنې وزارت سره د یوې همکارې ادارې په مالي مرسته او د یادې ولسوالۍ پوهنې مسئولینو په حضور کې پیل شوې.
د یادونې وړ ده، چې د همدغو درسي خونو جوړول به د هغو زدهکوونکو لپاره مناسب تعلیمي چاپېریال برابر کړي، کوم چې له دې مخکې یې په خلاصه هوا یا خېمو کې زده کړې کولې.
