غزني ولایت کې د ۱۰ مېلیونه افغانیو په لګښت د یو باب ښوونځي د ودانۍ بنسټ ډبره کېښودل شوه
د غزني ولایت جاغوري ولسوالۍ اړوند د بابا په سیمه کې د دروېش لومړني ښوونځي د ودانۍ بنسټ ډبره، د پوهنې مسئولینو، چارواکو، علماءکرامو، مشرانو او د یادې ولسوالۍ ځایي اوسېدونکو په حضور کې کېښودل شوه.
یاده ودانۍ چې ۹ درسي ټولګي، دغونډو تالار، کتابتون او نور اړین محلقات به ولري، د ځايي اوسېدونکو په مالي مرسته د ۱۰ مېلیونه افغانیو لګښت سره په دوو پوړونو کې جوړېږي.
د چارواکو په وینا، د دې ودانۍ په جوړېدلو سره به د ۳۰۰ تنو زدهکوونکو لپاره مناسب تعلیمي چاپېریال برابر شي.
د افغانستان. اسلامي ا.مارت د پوهنې وزارت مشرتابه د خلکو، په ځانګړې توګه د غزني ولایت علم پروره ولس له مادي او معنوي ملاتړ څخه مننه کوي.
