د بدخشان ولایت د ښوونځیو آمرینو او ښوونکو لپاره روزنیز ورکشاپ پیل شو
د بدخشان ولایت یفتل پایان ولسوالۍ د آمرینو، سرښوونکو، ښوونکو او د ښوونځیو شوراګانو غړو لپاره د "اغېزمن تدریس او زده کړې ته هڅولو" تر سرلیک لاندې شپږ ورځنی روزنیز ورکشاپ پیل شو.
د یاد روزنیز پروګرام موخه د آمرینو، ښوونکو، سرښوونکو او د ښوونځیو شوراګانو د غړو مسلکي وړتیاوې لوړول دي، ترڅو په همدغه ولسوالۍ کې د ښوونځیو د ښوونکو د تدریسي پروسې کیفیت لاپسې لوړ او خپل زدهکړي مهارتونه په مؤثره او معیاري ډول ښوونځيو کې پلې کړي.
د پوهنې چارواکو په خپلو ویناوو کې د داسې ورکشاپونو پیل د ښوونکو لپاره یوه جدي اړتیا وبلله او له ګډونوالو یې وغوښتل چې د وکشاپ له منځپانګې څخه اعظمي ګټه پورته کړي.
د یادونې وړ ده چې په دغه شپږ ورځني ورکشاپ کې به ګډونوالو ته، د تدریس نوي مېتودونه، د ټولګي اغېزمن مدیریت، د تعلیمي رهبرۍ رول او د زدهکړې په پروسه کې د والدینو او ټولنې رول په اړه معلومات ارایه شي.
