د اسلامي زده کړو معینیت له کارکوونکو څخه ازموینه واخیستل شوه
د پوهنې وزارت د دعوت او ارشاد ریاست په سپارښتنه، د یاد وزارت د اسلامي زدهکړو معینیت له کارکوونکو څخه د روان ۱۴۰۴ لمریز کال له پیل څخه د تدریس شوي نصاب له مخې ازموینه واخیستل شوه، تر څو په دیني برخه کې د هغوی علمي کچه وارزول شي.
یاده ازموینه د اسلامي زدهکړو معینیت د استعدادونو د ارزونې د رئیس الحاج مفتي عبدالولي سداد په حضور کې د ځانګړي پلاوي تر څارنې لاندې په بشپړه روڼتیا سره ترسره شوه.
د یادونې وړ ده چې د دغې ازموینې پایلې به ډېر ژر د پوهنې وزارت د دعوت او ارشاد ریاست له لوري اعلان او ممتازو کسانو ته به ستاینلیکونه ورکړل شي.
