د پوهنې وزارت پلاوي د ننګرهار ولایت تعلیمي وضعیت وارزاوه
د پوهنې وزارت د کیفیت تضمین معینیت یو پلاوی چې د ننګرهار ولایت پوهنیز وضعیت په بیاکتنه بوخت دی، د یاد ولایت له پوهنې چارواکو سره په ګډه، د جلال آباد ښار استقلال عالي لېسې د زدهکوونکو اداري، تدریسي چارې او فعالیتونه ارزولي دي.
همدارنګه یاد پلاوي د کاري پلانونو پلي کولو او د تعلیمي نصاب بشپړولو اجنډا سره سم، د یادې لېسې تدریسي کارکوونکو او ښوونکو سره جلا جلا غونډې ترسره او له هغوی سره یې پر یو شمېر ښوونیزو مسایلو خبرې وکړې.
د غونډې په جریان کې، د پوهنې وزارت پلاوي د استقلال عالي لېسې د نوښتګرو زدهکوونکو لخوا جوړ شوی کتابتون، لابراتوارخونه او یو روبوټ هم ولید او د پوهنې چارواکو سره په یوه غونډه کې یې د تعلیمي بهیر پیاوړتیا په برخه کې د لا زیاتې همکارۍ ژمنه وکړه.
