په نورستان ولایت کې د یو باب ښوونځي لپاره د یو مېلیون افغانیو په ارزښت ځمکه وقف شوه
د نورستان ولایت مرکز، پارون ښار اړوند چتراس کلي علمپاله خلکو، د خپل کلي لومړني ښوونځي د ودانۍ جوړولو په موخه، تر یو جرېب زیاته ځمکه د یو مېلیون افغانیو په لګښت وپېرله او په رسمي توګه یې پوهنې ریاست مسئولینو ته وسپارله.
د یاد ولایت پوهنې رئیس، محترم الحاج مولوي تاجمحمد مطمئن، د سیمې له اوسېدونکو سره په لیدنه کې د هغوی اخلاص او همکاري وستایله او له خلکو یې وغوښتل چې له پوهنې سره دغه شان مرستو او ملاتړ ته دوام ورکړي.
