په څو ولایتونو کې د زدهکوونکو د پوهې کچې ارزونه کېږي
د ښوونځیو تعلیمي دورو د ختم ارزونه، د پوهنې وزارت د معیاري ازموینو او ښوونیزو پایلو ارزونې ریاست له مهمو دندو څخه ده.
په همدې اساس، د یاد ریاست علمي غړي د ترتیب شوي پلان له مخې د هېواد شپږو ګرمو ولایتونو ته استول شوي دي، چې پکې کندهار، هلمند، فراه، نیمروز، ننګرهار او لغمان شامل دي.
د یاد سفر موخه دا ده چې د زدهکوونکو د زدهکړې کچه په اسلامي زدهکړو، ساینس، ریاضي او ژبو مضمونونوکې و ارزوي.
د پلان له مخې به د پورته ذکر شویو ولایتونو له ښوونځيو څخه ۲۲۰۰ تنه د شپږم ټولګي زدهکوونکي او ۲۲۰۰ تنه د نهم ټولګي زدهکوونکي د نمونې په ډول وټاکل شي او ارزونه به یې ترسره شي.
همدارنګه د زدهکړې پر بهیر د اغېزمنو عواملو د څېړنې په موخه به د ښوونځيو له ۱۰۰ تنو مدیرانو، ۴۰۰ تنو ښوونکو او ۴۰۰ تنو زدهکوونکو سره علمي او هدفمندې مرکې ترسره شي، ترڅو اړین معلومات راټول او د پوهنیز نظام د کیفیت لاښه والي لپاره تحلیل شي.
