په هرات ولایت کې له ٦ زرو زدهکوونکو سره د درسي توکو مرسته وشوه
د یو همکار بنسټ لخوا، د هرات ولایت د سواد زدهکړې مرکزونو اړوندو ۶ زره زدهکوونکو ته د ۱ میلیون او ۵۵۴ زره افغانیو په ارزښت ښوونیز توکي ووېشل شول.
په يادو مرستو کې د ښوونځي بکسونه، قرطاسیه او د لیکنې نور اړین وسایل شامل دي.
د هرات پوهنې رئیس مولوي محمد رحماني، د پوهنې له همکارو بنسټونو څخه د مننې او قدردانۍ ترڅنګ وویل چې دا ډول مرستې د سواد زدهکړې بهیر پیاوړتیا او پراختیا لپاره اغېزناک ګام بلل کېږي او کولای شي، د زدهکوونکو د زدهکړې په بهیر کې مثبت بدلون رامنځته کړي٠
