په میدان وردګ کې د خاتم الانبیاء مدرسه ګټې اخیستنې ته وسپارل شوه
د میدان وردګ ولایت دایمیرداد ولسوالۍ اړوند په ګرمآب کلي کې د خاتم الانبیاء (علیهم السلام) مدرسه، چې د سیمې د علمپالو خلکو په مالي لګښت جوړه شوې، ګټې اخیستنې ته وسپارل شوه.
د یادې مدرسې د پرانیستې په مراسمو کې د میدان وردګ ولایت پوهنې رئیس محترم الحاج مولوي عبدالحق حقاني، وویل چې د دغې مدرسې جوړولو ټول لګښت یو میلیون او ۷۰۰ زره افغانۍ دی، چې د یادې ولسوالۍ د علمپالو خلکو له لوري ورکړل شوی دی.
نوموړي د پوهنې له نظام څخه د سیمې د خلکو د ملاتړ او همکارۍ قدرداني وکړه او د ښوونیزو بنسټونو په جوړولو کې یې د خلکو ونډه مهمه وبلله.
