د زده کوونکو د درجه بندي لایحه د پوهنې وزیر له خوا منظور او په راتلونکي میاشت کي پلي کیږی
پوهنې وزارت- کابل: د پوهنې وزیر ډاکتر محمدمیرویس بلخي له خوا د زده کوونکو د درجه بندي لایحه ومنل شوه او په راتلونکي میاشت کي به پلي شي.
دا پروګرام چي نن د چنګاښ څلورمه په همدي خاطر د ښوونځیو مدیرانو سره په مرکز ساینس کي(د پوهنې وزارت یوه برخه) جوړه شوی وه ډاکتر بلخي نوموړي لایحه په دریو فصلونو او ۹ نهو مادو کي اعلان کړ.
پوهنې وزیر زده کوونکو ته د نمرو ورکولو اوسني سیستم یو غیرمنظم سیستم وباله او د ټولو زده کوونکو لپاره د وړتیا لوړوالی زمینه برابرول، د زده کوونکو د یادولو د سویي ارزیابی کول ، د درجه بندي اړوندي چاري ترتیب ، او د اصلاحاتو سیستم رامینځ ته کوول یي له خپلو مهمو اهدافو څخه یاد کړل.
د پوهنې وزارت د علمي شورا رئیس عظیم کربلايي هم په دي پروګرام کي د ښوونځیو مدیرانو د پوښتنو ځوابولو ترڅنګ د زده کوونکو نمرو درجه بندي په تړاو وویل چي د روان کال د څلورنیمو میاشتو آزمویني نه وروسته یاده لایحه په ڼولو ښوونځيو کي د پلي کیدو وړ ده.
د یادوني وړ ده چي د درجه بندي چوکاټ د پوهنې وزیر له منظوري څخه وروسته پلي کیږي.او زده کوونکو نمري به د ټولو نمرو د منځني کچي پر بنسټ له (الف، ب، ج، د، ه) درجو څخه ورکول کیږی.
د یادولو وړ ده چي د دي لایحي په چوکاټ کي د زده کوونکو د حاضري سیستم هم تغیر کوي او د حاضري نوملړ به د الفبا حروفو په اساس ترتیب کیږي.
همدارنګه د دي لایحي حکمونه به په ټولو دولتي او خصوصي ښوونځیو کي پلي کیږی.
