د ارزګان د زده کوونکو ترمنځ د سیرت النبی ( ص ) سيالۍ ترسره شوې
د پوهنې وزارت_ارزګان: د ارزګان ولایت د پوهنې ریاست په نوښت او د یونیسف موسسي په مالی مرسته د سیداخال په عالي لېسه کې د زده کوونکو ترمنځ د سیرت النبي ص سیالي جوړه شوه.
په هغه غونډه کې چې په همدې موخه د سیداخال لیسې په انګړ کي جوړه شوي وه، دیاد ولایت د پوهنې ریاست مسوولینو برسیره ،قومي مشرانو،علماو، ښوونکو او زده کوونکو ګډون درلود.
په همدې تړاو جوړه شوې غونډه کې د پوهنې ریيس میرزا محمد سالارزی دا ډول سیالۍ موخه یې د زده کوونکو ته د حضرت محمد ص د ژوند په باب معلومات ورکول، د زده کوونکو وړتیاوې لوړول، او د خپلو مهارتونو له نورو سره شریکول دي،چې دا شان سیالۍ د زده کوونکو جرائت او پر ځان باور زیاتوي .
د پوهنې رییس د زده کوونکو ترمنځ د سیالیو جوړول د هغوی د ذهني ودې لپاره خورا ګټور وبلل او یادونه یې وکړه، چې ددغو سیالیو لړۍ به د ارزګان نورو ښوونځيو ته هم وغځوي.
د یادې سیالۍ ممتازو زده کوونکو ته یو شمېر ډالۍ هم ورکړل شوي.
