د افغانستان لپاره د UNHCR  مسئول  د پوهنې وزارت له سرپرست وزیر سره وکتل

media-moe
چهارشنبه ۱۴۰۱/۴/۱۵ - ۱۵:۷
مسئول موسسه UNHCR با وزیر سرپرست معارف دیدار کرد

د افغانستان لپاره د مهاجرینو د عالي کمیشنرۍ( UNHCR)مسئول ښاغلي لیونارد زولو(Leonard Zulu) د پوهنې وزارت له سرپرست وزیر محترم شیخ مولوي نورالله منیر سره وکتل .
په یاده لیدنه کې ښاغلي (ليونارد زولو) لومړی په پکتیکا او خوست ولایتونو کې د وروستیو زلزلو له امله د اوښتو ځاني او مالي زیانونو له امله د پوهنې وزارت محترم وزیر صاحب ته د تسلیت مراتب وړاندې کړل او یادونه یې وکړه، چې له زلزله څپلو وګړو سره د ملګرو ملتونو د مهاجرینو د عالي کمیشنرۍ مرستې روانې دي او د دوی اړوند مرستندویه ټیمونه په سیمه کې حضور لري. نوموړي زیاته کړه، چې یادې کمیشنرۍ په دې ورستیو وختونو کې  په افغانستان کې د ښوونځیو لپاره درې بابه ودانۍ جوړې کړیدي، پر دوه بابه نورو ودانیو کار روان دی او په راتلونکې کې غواړي چې د پوهنې وزارت ته د هغو ښوونځیو لپاره چې ودانۍ نه لري په لومړي قدم کې دوه زره(۲۰۰۰) خیمې ورکړي، ترڅو ورڅخه د درسي ټولګیو په توګه استفاده وشي.د نوموړي په وینا، یاده کمیشنري په راتلونکي کې اراده لري چې خپلو امکاناتو او سرچینو ته په پام سره د ښوونځیو د ودانیو د جوړولو په برخه کې له افغانستان سره مرسته وکړي.
د پوهنې محترم وزیر صاحب د خپلو خبرو په ترڅ کې لومړی ښاغلي (لیونارد زولو) ته ښه راغلاست ووایه او بیا یې د وروستیو زلزلو له متاثرینواو همدارنګه د پوهنې له وزارت سره د مهاجرینو د عالي کمیشنري د مرستو له امله له نوموړي څخه مننه وکړه او زیاته یې کړه،چې اسلامي امارت په ځانګړې توګه د پوهنې وزارت به د یادې کمیشنرۍ د خیریه فعالیتونو لپاره هر ډول اړینې اسانتیاوې برابروي.
د ملاقات په ترڅ کې هوکړه وشوه، چې د دواړو لورو (د پوهنې وزارت- UNHCR)  تخنیکي ټیمونه به په ګډه کار کوي ترڅو د یادې موسسې د فعالیت لپاره یو غوره میکانیزم جوړ او بیا د همدې میکانیزم په بنسټ عملي فعالیتونه پیل شي.

تازه خبرونه

پنجشنبه ۱۴۰۱/۵/۲۷ - ۹:۳۸
Background image

د پوهنې وزارت او ( I.H.H) خیریه بنسټ ترمنځ د افغان یتیمو ماشومانو  لپاره د تعلیمي کمپلیکس د جوړولو هوکړه لیک لاسلیک شو

(چهارشنبه،۱۴۴۴/۱/۱۹هـ.ق-۱۴۰۱/۵/۲۶هـ .ش)

د پوهنې وزارت او ( I.H.H) خیریه بنسټ ترمنځ د افغان یتیموماشومانو لپاره د یو ستر ښوونیز او روزنیز کمپلیکس د جوړولو هوکړه لیک د پوهنې وزارت د. . .

چهارشنبه ۱۴۰۱/۵/۲۶ - ۹:۱۲
Background image

د اسلامي امارت د پوهنې وزارت یو کلنو فعالیتونو او لاس ته راوړنو ته لنډه کتنه

د پوهنې وزارت د هیواد له مهمو او کلیدي وزارتونو څخه ګڼل کېږي، چې د هیواد  ټول ښوونیز او روزنیز نظام  د  همدې  وزارت  تر اشراف  او سرپرستي لاندې سنبالېږي.
د یاد وزارت په تشکیل کې. . .

سه‌شنبه ۱۴۰۱/۵/۲۵ - ۷:۳۳
Background image

مطبوعاتي بلنلیک

کابل – افغانستان: ټاکل شوې ده، نن سه شنبه، د روان کال د زمري ٢٥مه، د لوړو زده کړو وزارت او پوهنې وزارت، د حکومت د اطلاعاتو او رسنیو په مرکز کې په جلا جلا ډول خبري کنفرانسونه ولري، د. . .

BACK TO NEWS