د خوست له پوهنې ریاست څخه خبرونه

د خوست ولايت د پوهنې رياست مشرتابه پلاوي د يونيسف او WIFA له سیمه ییزو استازو سره وکتل.
د دغه ولايت د پوهنې رياست د مسوولينو په وينا، د يادو ادارو له مسوولينو يې وغوښتل، چې خپلې ټولې چارې دشته هوکړه لیکونو سره سم او له پوهنې رياست سره په همغږۍ ترسره کړي.
له بلې خوا د مرستندویو بنسټونو استازو د خوست د پوهنې ریاست له مرستو او د اسانتیاوو د برابرولو له امله مننه وکړه او د دغه ولایت په مرکز او ولسوالیو کې یې د سیمه ییزو زده کړو د نویو ټولګیو د جوړیدو او همدارنګه د پرمختللو پلانونو په باب معلومات ورکړل.
د خوست ولايت د پوهنې رياست مشرتابه په دغه ولايت کې د پوهنې په برخه کې د مرستندویو بنسټونو د سیمه ییزو دفترونو له استازو سره غونډه وکړه .
په دې کتنه کې د دې ولایت د ښوونې او روزنې آمر خیرګل خیرخواه د یادو ادارو له دوامداره مرستو څخه د مننې ترڅنګ له مسوولینو وغوښتل چې په راتلونکي کال کې په مرکز او ولسوالیو کې خپل ټول کارونه او فعالیتونه له اصولو سره سم ترسره کړي.
له بلې خوا د يادو ادارو استازو د يادې موضوع د منلو پر مهال خپل کاري پلانونه د غونډې برخه والو ته وړاندې کړل او د دغه ولايت د پوهنې رياست له مرستو يې مننه وکړه.

د اداري اصلاحاتو او ملکي خدمتونو خپلواکې ادارې د خوست ولايت د پوهنې رياست يو شمېر مديرانو او کارکوونکو ته د اداري مسايلو په اړه روزنيز سيمينار جوړ کړ او په دې برخه کې يې هغوی ته د دوو ورځو په موخه زده کړې ورکړې.
 د غونډې ګډونوالو د دغه پروګرام له تنظیموونکو څخه مننه وکړه او زیاته یې کړه چې د اداري اصولو په اړه یې نوي مسایل زده کړل.

د موسی خېلو ولسوالۍ پوهنې آمریت د یادې ولسوالۍ د ښوونځیو له آمرینو او مدیرانو سره ناسته وکړه او له دوی سره یې په ښوونځیو کې د شوراګانو د جوړېدو، د زده کوونکو د کره شمېرې، د ښوونکو د ارزونې او د پوهاوي د پروګرامونو د پیلولو او د نويو زده کوونکو د جذبولو په باب خبرې وکړې.

د خوست ولایت د اسمعیل خېلو او مندوزیو ولسوالیو د پوهنې آمریتونو له خپلو اړوندو ښوونځیو څخه څارنه وکړه او د یادو ښوونځیو اداري او تدریسي اسنادونه یې وکتلې.
په دې کتنه کې د يادو شويو موضوعاتو تر څنګ د کارکوونکو لپاره لازمې سپارښتنې هم وشوې.