د زابل د پوهنې رئیس د شهرصفا ولسونو ته د ۱۳۹۸ مالي کال حساب ورکړ
د پوهنې وزارت_زابل: د زابل د پوهنې رئیس نصرالله زاهد دیوي غونډي په ترځ کې د شهری صفا ولسوالي و ولسونو ته د ۱۳۹۸ مالی کال حساب ورکړ.
په هغه غونډه کې چې په همدي موخه جوړه شوي وه ، د زابل له والي رحمت الله یارمل برسیره د دولتي ادرو یو شمیر مسوولینواو قومي مشرانو ګډون درلود.
د پوهنې رییس دغه سترې ولسي غونډې ته د پوهنې ریاست د ۱۳۹۸ مالي حساب ورکړ او د ولسونو څخه یې د زیاتې همکارۍ غوښتنه وکړه.
د شهرصفا ولسوالۍ ولسونو هم د پوهنې رئیس نصرالله زاهد خدمتونه وستایل او ورسره یې ژمنه وکړه چې خپل ماشومان به ښوونځیو ته واستوي او هر راز همکاري به ورسره وکړي.
