د غزني ولایت ښوونکو ته د روغتیايي خدمتونو وړاندې کولو په موخه د همکاریو هوکړهلیک لاسلیک شو
د غزني ولایت مقر ولسوالۍ د ملکي روغتون سره په همغږۍ، د یاد ولایت د پوهنې مسئولینو او سیمه ییزو ډاکټرانو اتحادیې ترمنځ یو هوکړهلیک لاسلیک شو، ترڅو د یادې ولسوالۍ د دیني مدارسو او ښوونځيو د مدرسینو اوښوونکو روغتیايي حالت وارزوي.
یاد هوکړلیک د مقر ولسوالۍ د پوهنې چارواکو او د رسمي او خصوصي روغتیایي سکټورونو ترمنځ د یوې غونډې په ترڅ کې لاسلیک شو او په پام کې ده چې د دیني مدارسو او ښوونځيو د مدرسینو او ښوونکو لپاره د درملنې، معایناتو، عملیاتو، د درملو بیو او د غاښونو د درملنې فیسونو په برخو کې وړیا خدمات ترسره او ځانګړي تخفیفونه چمتو کړي.
