د لغمان ولایت د مفتاح العلوم په مدرسه کې د دستاربندي مراسم ترسره شول
د لغمان ولایت د فراشغان د چاشدر درې کې د مفتاح العلوم په دیني مدرسې کې د ۳۲ طالبانو د فراغت ځانګړي مراسم ترسره شول.
د مدرسې د مسؤلینو په وینا؛ له ۳۲ فارغانو څخه ۶ تنو د قرآن عظیم الشان د حفظ په برخه کې او پاتې د ناظره د فراغت سندونه ترلاسه کړل.
په دې مراسمو کې د معارف پر مسوولینو سربېره، د یادې مدرسې علمانو، مدرسینو او زده کوونکو، مشرانو او د زده کوونکو والدینو ګډون درلود.
ويناوالو فارغانو ته د مبارکي ویلو په ترڅ کې، زده کوونکې نورو زدکړو په ځانګړي ډول دیني زده کړو ته وهڅول، او له والدينو څخه يې وغوښتل چې خپل اولادونه ښونځۍ او مدرسې ته ولیږي.
د مراسمو په پای کې د مسوولینو او د مدرسې د ښوونکو او علمای کرامو له خوا د فارغانو پر سر د فضیلت پګړی وتړل شوې.
