په زابل ولایت کې د یو باب مکتب جوړولو لپاره لس جریبه ځمکه وقف شوه
د زابل ولایت په شملزو ولسوالۍ کې د حضرت عمر فاروق (رضیاللهعنه) په نوم د ښوونځي نوې ودانۍ بنسټ ډبره پر هغه ځمکه کېښودل شوه، چې د همدې ولسوالۍ اوسېدونکو پوهنې ریاست ته ډالۍ کړې ده.
یاد ښوونځی د خلکو په مالي ملاتړ او د ښوونځي شورا په همکارۍ جوړېږي، چې شپږ درسي ټولګي او یوه اداري خونه به ولري، او هغه ځمکه چې د ښوونځي لپاره وقف شوې ده، لس جریبه مساحت لري.
