د لوګر د ازرې ولسوالۍ د چمن آباد ښوونځي ته نوې ودانۍ جوړه شوه

media-moe
شنبه ۱۳۹۹/۷/۲۶ - ۱۴:۴
د لوګر د ازرې ولسوالۍ د چمن آباد ښوونځي ته نوې ودانۍ جوړه شوه

د پوهنې وزارت_لوګر: د لوګر ولایت د ازرې ولسوالۍ د چمن آباد په کلي کې د چمن آباد د هلکانو د منځني ښوونځي ودانۍ ګټې اخیستنې ته وسپارل شوه.

په هغه غونډه کې چې په همدې موخه جوړه شوي وه پکې د پوهنې ریاست د استازو تر څنګ، د پوهنې آمر محبت خان اصولي، دیني عالمانو، قومي مشرانو، ښوونکو او زده کوونکو برخه اخیستې وه.

دغه ښوونځۍ د هندوستان هېواد له لوري د ۱۰.۳ میلیونه افغانیو په لګښت په پاخه او اساسي ډول جوړ شوی دی.

یاد ښوونځۍ ۸ درسي ټولګي، ۴ اداري خونې، ۱۶۰ درې کسیز څوکۍ، ۵ غرفې تشنابونه او نورې اړینې ښوونیزې اسانیتاوې لري.

د دغه ښوونځي په جوړولو سره په یوه وخت کې ۴۸۰ ماشومانو ته د زده کړو زمینه برابره شوه، چې اوس مهال ۳۷۴ زده کوونکي په کې زده کړې کوي.

د لوګر د پوهنې سرپرست رئیس نثار احمد سیدي د یاد ښوونځي پر جوړېدو خوښي څرګندوي او د چمن آباد د کلي له اوسېدونکو غوښتنه کوي، چې جوړه شوې ودانۍ د خپلو اولادونو د ښې راتلونکې په خاطر ښه وساتي.

دا په داسې حال کې ده، چې څو ورځې وړاندې هم په دې ولسوالۍ کې د رضاخیلو ښوونځي نوې ودانۍ ګټې اخیستنې ته سپارل شوې ده.

تازه خبرونه

سه‌شنبه ۱۳۹۹/۸/۶ - ۸:۴۱
Background image

په تخار ولایت کې د دیني مدرسو زده کونکو ترمنځ علمي او حقوقي سیالۍ پیل شوې

د پوهنې وزارت_تخار: د تخار ولایت د پوهنې ریاست د اسلامي تعلیماتو د آمریت په نوښت، د اسلام دین او د هیواد د نافذه قوانینو له نظره د ښځو د حقونو تر سرلیک لاندې د دیني مدرسو زده کونکو. . .

دوشنبه ۱۳۹۹/۸/۵ - ۱۴:۳۲
Background image

د هرات د ښوونځیو له زده کوونکو سره د قرطاسیې مرسته وشوه

د پوهنې وزارت_هرات: د هرات ولایت د پوهنې ریاست سره د ښه نیت لرونکو خلکو او اشخاصو د دوستانه مرستو په دوام، نبی الرحمه خیریه بنسټ د دې ولایت د ښوونځیو بیوزلو زده کونکو سره مرسته وکړه.

د. . .

دوشنبه ۱۳۹۹/۸/۵ - ۱۳:۲۹
Background image

پکتیا کې د یو ښوونځي د جوړېدو چارې پیل شوې

د پوهنې وزارت_پکتیا: د پکتیا ولایت د زرمت ولسوالۍ اړوند د شاه کاریز منځني ښوونځي د ودانۍ د بنسټ ډبره د پوهنې رییس، د ښار جوړونې او ځمکو ریس انجنیر رحیم افعان او یو شمیر چارواکو په ګډون. . .

BACK TO NEWS