د لوګر د پوهنې ریاست د سواد زده کړې نوي آمر په کار پیل وکړ

media-moe
دوشنبه ۱۴۰۰/۹/۱ - ۹:۱۶

 د لوګر ولایت د پوهنې ریاست د لیک لوست ( سواد زده کړې ) آمریت لپاره نوي ټاکل شوي آمر رسمآ خپله دنده پیل کړه. 

د نوموړي د معرفي کولو په مراسمو کې تدریسي مرستيال مولوي عبیدالله هشام، د مالي او اداري چارو مرستیال محمد عارف معاذ، د اسلامي زده کړو مرستیال صدیق الله عزیزي،د پوهنې ښاري آمر مولوي ضیاء الحق ملنګ او د دغه ریاست یو شمېر کارکوونکو برخه اخیستې وه. 

د سواد زده کړې نوی ټاکل آمر مولوي سردار احمد اخند زاده نومیږي، چې د پوهنې وزارت له خوا نوی پر دغې دندې ګومارل شوی دی. 

هغه له دې مخکې د پوهنې په برخه کې ځینې نورې دندې هم ترسره کړي او د اسلامي او عصري علومو په برخه کې د لیسانس تر کچې لوړې زده کړې لري.

د لوګر د پوهنې ریاست د مالي او اداري چارو مرستیال محمد عارف معاذ د هغه د معرفي کولو په مراسمو کې د کارکوونکو تغیرول او تبدیلول د ښې حکومتولۍ یو اصل یاد کړ او له نوي آمر څخه یې د ښو خدمتونو هیله وکړه. 

د لوګر د پوهنې ریاست د سواد زده کړې نوي ټاکل شوي آمر سردار احمد اخند زاده د خپلې دندې د پیل پر مهال لوګریانو ته د ښه خدمت ژمنه ورکړه او ویې ویل، چې نالوستو کسانو ته به د سواد زده کړې په برخه کې لا زیاتې زمینې برابرې کړي.   

د یادونې وړده،چې له دې وړاندې هم د لوګر د پوهنې ریاست د تدریسي، اسلامي، مالي او اداري چارو نوېو آمرانو خپلې دندې رسمآ پیل کړې دي.

تازه خبرونه

سه‌شنبه ۱۴۰۰/۱۱/۵ - ۱۰:۳۸
Background image

په سیدآباد ولسوالي کې د سرور کائینات د دیني او عصري علومو مرکز خپل فعالیت پیل کړ

یاد شوي مرکز میدان وردګ ولایت سیدآباد ولسوالي ملي خېلو کلي کې، ښځو، یتیمانو د حمایت اوپرختیا بنسټ په مالي ملاتړ خپل فعالیت پیل کړاو دهغو سل ګونو .زده کوونکو لپاره چې له زده کړو څخه بې. . .

شنبه ۱۴۰۰/۱۱/۲ - ۱۰:۷
Background image

د اسلامي امارت د پوهنې وزارت فعالیتونو ته لنډه کتنه

ترتیب کوونکی: عزیزاحمد «ریان»

دپوهنې وزارت د نشراتو او عامه اړیکو د ریاست رئیس

۱-اسلامي امارت د کابل ترفتحې وړاندې هم د ښوونې، روزنې او لوړو زده کړو په نامه یو ځانګړی کمیسیون درلود،. . .

پنجشنبه ۱۴۰۰/۱۰/۳۰ - ۱۰:۲۰
Background image

د پوهنې وزارت د دارالعلومونو  د  ریاست رئیس د ننګرهار ولایت له دارالعلومونو څخه لیدنه وکړه

د چهارشنبې او پنجشنې په ورځو (۱۶-۱۷ /۶/۱۴۴۳هـ ق)  د پوهنې وزارت د  دارالعلومونو د ریاست د رئیس محترم مولوي عبدالقدوس صاحب  تر مشري لاندې هیئت د ننګرهار ولایت له  دارالعلومونو څخه لیدنه. . .

BACK TO NEWS