د لوګر د ښوونځیو لپاره ۳۰۰ مسلکي رسمي ښوونکي ګومارل کېږي

media-moe
شنبه ۱۳۹۹/۹/۱ - ۱۳:۲۹
د لوګر د ښوونځیو لپاره ۳۰۰ مسلکي رسمي ښوونکي ګومارل کېږي

د پوهنې وزارت، لوګر: د لوګر په یو شمېر ښوونځیو کې د ۳۰۰ مسلکي او رسمي ښوونکو د ګومارنې په موخه د ښوونکو د کانکور ازموینې بهیر پیل شو.

د یادې ازموینې د پیل په مراسمو کې، د کانکور ازموینو د ملي ادارې د مؤظفې کمېټې ترڅنګ والي محمد اجمل شاه پور، د پوهنې سرپرست رئیس نثاراحمد سیدي، د اداري اصلاحاتو او ملکي خدمتونو د ولایتي ادارې آمر اجمل څاروان، د پوهنتون رئیس پوهنمل عبدالناصر ستانکزي او یو شمېر نورو محلي چارواکو برخه اخیستې وه.

د ښوونکو د کانکور یاده ازموینه د لوګر په عالي دارالمعلمین کې د کانکور ازموینو د ملي ادارې د مؤظفې کمېټې له خوا واخیستل شوه، چې پکې ۱۶۸۹ تنو ښځينه او نارینه وو ګډون کړي وو.

د نوموړو کسانو له ډلې ۳۰۰ بریالي کېدونکي د مسلکي رسمي ښوونکو په توګه ګومارل کېږي، چې شاوخوا ۷۵ به یې ښځینه ښوونکې وي.

د لوګر د پوهنې سرپرست رئیس نثار احمد سیدي د یادې ازموینې د پیل په مراسمو کې وویل؛ چې د دغو ښوونکو په ګومارلو سره به د مسلکي ښوونکو د کمښت ستونزه په نسبي توګه هواره شي.

هغه زیاته کړه؛ د نوموړو ښوونکو د مقررېدو تر څنګ ۱۰۰۰ نورو مسلکي ښوونکو ته هم اړتیا شته، چې باید په ښوونځیو کې مقرر شي.

نوموړي هیله وښوده؛ چې د ښوونکو د استخدام پروسه به په شفافه توګه ترسره شي او هڅه کېږي، چې مسلکي کسان جذب کړي.

په لوګر کې دا مهال د نجونو او هلکانو ۲۷۳ ښوونځي شته، چې د ۵۰ زرو نجونو په ګډون شاوخوا ۱۵۰ زره زده کوونکي په زده کړو بوخت دي.

تازه خبرونه

پنجشنبه ۱۳۹۹/۹/۱۳ - ۱۷:۴۲
Background image

خبرتیا

د پوهنې وزارت، کابل:‌ د ۱۳۹۹ کال د کانکور د آزموینو په پروسه کې د هیواد د سړو او ډیرو سړو سیمو د دولسم ټولګي زده کونکو ته د شمولیت لپاره، د زده کونکو د حاضرۍ معیار د لاندې جدول په اساس. . .

پنجشنبه ۱۳۹۹/۹/۱۳ - ۱۲:۱۹
Background image

په لوګر ولایت کې دوه ښوونځي ګټې اخیستنې ته وسپارل شول

د پوهنې وزارت، لوګر: د لوګر ولایت د محمدآغې ولسوالۍ د حاجیانو او بره کي برک ولسوالۍ د دستګیر کوچي لومړني ښوونځي ګټې اخیستنې ته وسپارل شول.

یادې ودانې په پاخه او اساسي ډول په يو پوړ کې. . .

پنجشنبه ۱۳۹۹/۹/۱۳ - ۹:۲۲
Background image

د سرپل ولایت د پوهنې ریاست نوې ودانۍ پرانیستل شوه

د پوهنې وزارت، سرپل: د سرپل ولایت د پوهنې ریاست نوې ودانۍ د یو لړ مراسمو په ترڅ کې د ولایت والي عبدالقادر اشنا، د پوهنې رییس احمد خان بیګزاده، د ولایتي شورا یو شمیر غړو، دولتي چارواکو،. . .

BACK TO NEWS