د لوګر ولایت په یوه ښوونځي کې کمپیوټرخونه جوړه شوه
د پوهنې وزارت لخوا د لوګر ولایت مرکز پل علم ښار اړوند حصارک لېسې زدهکوونکو ته د کمپیوټر عملي زدهکړو برابرولو په موخه، یوه مجهزه کمپیوټرخونه جوړه او فعاله شوه.
یاد ټولګی ۵ پایه ډسکټاپ کمپیوټرونه، یو پروجکټر، مېزونه او څوکۍ لري، چې په فعالېدو سره یې د نهم، لسم، یوولسم او دولسم ټولګیو ۱۵۰ تنه زدهکوونکو ته د کمپیوټر عملي زدهکړې زمینه برابره شوې ده.
دا په داسې حال کې ده چې تېره ورځ په همدې لېسه کې یو مجهز کتابتون هم ګټې اخیستنې ته وسپارل شو.
