د لوګر په ښوونځیو کې له ۲۰ زرو ډېر زده کوونکي جذب شو

media-moe
سه‌شنبه ۱۳۹۸/۲/۲۴ - ۱۷:۵۲
د لوګر په ښوونځیو کې له ۲۰ زرو ډېر زده کوونکي جذب شو

د لوګر د مرکز او ولسوالیو په ۲۷۳ ښوونځیو کې له ۲۰ زرو ډېر نوي ماشوم زده کوونکي جذب او د زده کړو زمینه ورته برابره شوې ده.
یاد ماشومان،چې د ښوونځي په عمر برابر دي، د روان ۱۳۹۸ ښوونیز کال د حمل او ثور په میاشتو کې جذب شوي دي. 
د جذب شویو زده کوونکو له ډلې ۷۲۲۰ نجونې او ۱۳۰۸۰ هلکان دي، چې ټول ټال ۲۰۳۰۰ زده کوونکي کېږي. 
یادو زده کوونکو ته درسي کتابونه، درسي توکي او د کتابونو بیکونه ورکړل شوي او ټولو ته د زده کړو زمینه برابره شوې ده. 
د لوګر د پوهنې رئیس عبدالوکیل کلیوال وایي، چې په روان ښوونیز کال کې د زده کوونکو په شمېر کې ځکه ډېر والی راغلی، چې دوی په ښوونځیو کې د ښوونځي عمر ماشومانو د جذبولو لپاره کمپاینونه کړي او هم یې خلک هڅولي څو خپل ماشومان په ښوونځیو کې شامل کړي.
د پوهنې رئیس په ښوونځیو کې د ماشومانو د شاملولو په برخه کې د دیني عالمانو،قومي مشرانو او د زده کوونکو د کورنیو هڅې هم وستایلې. 
د یادونې وړده، چې په لوګر کې د نجونو او هلکانو ۲۷۳ ښوونځي شته، چې د ۴۱۳۷۶ نجونو په ګډون ۱۳۷۲۳۰ زده کوونکي لري.

تازه خبرونه

سه‌شنبه ۱۳۹۸/۵/۲۹ - ۱۲:۴۴
Background image

خبري اعلامیه

پوهنې وزارت _ کابل : تېره شپه شاوخوا ۱:۳۰ بجه د کابل ولایت په شکردرې ولسوالۍ کې د بویه زار ناصري د نجونو لیسې اداره؛ د نامالومو کسانو لخوا سوځول شوې ده. تر دې مهاله د یادې لیسې د ادارې. . .

سه‌شنبه ۱۳۹۸/۵/۲۹ - ۱۰:۱۹
Background image

دخپلواکۍ سلمه کلیږه د میدان وردک په ولایت کې د یو لړ شاندارو مراسمو په ترڅ کې ولمانځل شوه

دپوهنې وزارت_میدان وردک:  د میدان وردک ولایت د پوهنې رياست د خپلواکۍ سلمه کلیزه ديولړشانداره  مراسمو په ترڅ کې ولمانځله.
یاد پروګرام دپوهنې رئیس دوکتور محمدسعید منصور په رهبرۍ او پوهنې. . .

سه‌شنبه ۱۳۹۸/۵/۲۹ - ۱۰:۱۹
Background image

په خوست کې د هیواد د خپلواکۍ سلمه کلیږه ولمانځل شوه

د پوهنې وزارت_خوست:  دخو ست  ولایت  اسمعېل خېلو مندوزیو ولسوالۍ اړوند د ټولو ښوونځیو زده کوونکو د خپلواکۍ سلمه کالیزه د یادې ولسوالۍ دڅړبڼ لېسې په انګړ کې  ونمانځله.
په یادو مراسمو کې د. . .

BACK TO NEWS