د هېواد له ولایتونو څخه د پوهنې خبرونه

media-moe
سه‌شنبه ۱۴۰۱/۱۱/۴ - ۱۱:۵۵
د هېواد له ولایتونو څخه د پوهنې خبرونه.

لغمان:
د لغمان ولايت د پوهنې رئيس مولوي شاه جهان ساجد د يادې ادارې له مرکزي دفترونو او څانګو څخه ليدنه وکړه د اداري اسنادونو د څېړلو ترڅنګ یې له مراجعينو سره يې د مسوولينو برخورد له نږدې وڅارل.
کندهار:
په کندهار ولایت کې د یونیسف سیمه ییزې ادارې مسوولینو د دې ادارې د مالي مدیریت کارکوونکو ته د اداري مسایلو په اړه پنځه ورځنی روزنیز سیمینار جوړ کړی و، چې ګډونوالو ته د سندونو په وېشلو سره پای ته ورسید.
کاپیسا:
د کاپیسا ولایت د اله سای ولسوالۍ د ښوونځیو مدیرانو د یوې کاري غونډې په ترڅ کې خپلې ستونزې او وړاندیزونه یې د دغه ولایت د پوهنې ریاست ته وړاندې کړل او د خپلو کلنیو فعالیتونو او دندو راپور یې وړاندې کړ.
د دغه ولایت د پوهنې ریاست رهبري د مدیرانو کړنې وستایلې او د شته ستونزو د حل ژمنه یې وکړه.
ننګرهار:
د ننګرهار د پوهنې ریاست د نشراتو مدیریت چارواکي وايي: پوهنې وزارت د دغه ولایت د مرکز او ۲۲ ولسوالیو زده کوونکو ته د عمومي زده کړو ۸۰۰ زره جلده درسي کتابونه استولي، ترڅو په نوي تعلیمي کال کې زده کوونکو ته ووېشل شي.
په ورته ډول:
 د هېواد په ختیځ زون کې د یونیسف ساحوي دفتر د ننګرهار ولایت له پوهنې ریاست سره د ۲۱۵ خیمو مرسته وکړه، ترڅو یو شمېر هغو ښوونځیو ته چې درسي خونې نه لري ووېشل شي.
همدارنګه:
 ياد شوې موسسې د دغه ولايت په مرکز او نهو ولسواليو کې د پنځم او شپږم ټولګيو ښځينه زده کوونکو لپاره د حفظ الصحې توکي د ننګرهار پوهنې رياست ته وسپارل، ترڅو ژر تر ژره د زده کوونکو د لاس رسي وړ وګرځي.

تازه خبرونه

چهارشنبه ۱۴۰۱/۱۱/۱۲ - ۱۲:۰
Background image

له ولایتونو څخه د پوهنې لنډ خبرونه

لغمان

د لغمان ولایت د پوهنې رئیس مولوي شاه جهان ساجد په دغه ولایت کې د پوهنې د ودې په موخه په جوړه شوې غونډه کې د اسلامي امارت له بریا وروسته د پوهنې په برخه کې د ترسره شویو فعالیتونو. . .

چهارشنبه ۱۴۰۱/۱۱/۱۲ - ۹:۴۶
Background image

له ولایتونو څخه د پوهنې لنډ خبرونه

دایکندي

د دايکنډي ولايت د پوهنې رئيس مفتي رحمت الله مدثر او ورسره پلاوي د دغه ولايت له امنيه قوماندان الحاج ملا عبدالحکيم رفيع الله سره وکتل او په دې ولايت کې يې د پوهنې او سواد زده. . .

سه‌شنبه ۱۴۰۱/۱۱/۱۱ - ۱۱:۵۱
Background image

د کابل له پوهنې ریاست څخه د یوې ورځې د فعالیتونو لنډ راپور

د OCCD موسسې مسوولینو د کابل ولایت د سروبي ولسوالۍ د پوهنې آمر مولوي عبدالله عابد سره په لیدنه کې د دې ولسوالۍ په لرو پرتو سیمو کې د ۵۰ سیمه ییزو او چټکو زده کړو ټولګیو د جوړولو خبره. . .

BACK TO NEWS