د ولایتونو له پوهنې ریاستونو څو خبرونه
بلخ:
د خیریه بنسټونو او د ښوونځیو شوراګانو په همکارۍ د ۱۲۰ زره افغانیو په لګښت، د بلخ ولایت په مرکز او ولسوالیو کې د مقصدالله شهید، عبدالقادر خلمي، دقیقي بلخي او میر غلام محمد ربېع لېسو د ترمیم او تجهیز په موخه مرسته وشوه.
میدان وردګ:
د میدان وردګ ولایت جلریز ولسوالۍ اړوند د ذیولات عالي لېسې نوښتګرو زده کوونکو خپل عملي تخنیکي کارونه چې پکې اسکواټرونه، الوتکې، د اوبو ګرمولو ماشینونه او نور وسایل شامل وو، د پوهنې د مسئولینو په حضور کې نندارې ته کېښودل.
د یو بل خبر له مخې:
د یاد ولایت د سیداباد ولسوالۍ علم پروره اوسېدونکو د ۴۱ زره ۶۰۰ افغانیو په ارزښت ۸ سپینې تختې چې مارکرونه او نور لوازم ورسره وو، په دغه ولسوالۍ کې د انصارالله لومړني ښوونځي سره مرسته وکړه.
