د ولایتونو له پوهنې څو لنډ خبرونه
- سرپل:
د سرپل ولایت پوهنې رئیس مولوي محمد «رحماني» په حضور کې، د یاد ولایت د مرکز او ولسوالیو پوهنې آمرینو او د ښوونکو مسلکي پراختیا علمي غړو لپاره د "د ښوونکو د روزنې او مسلکي پراختیا پروګرام د مسئولیتونو چوکاټ" تر سرلیک لاندې یو ورځنی سیمینار ترسره شو.
- غور:
د غور ولایت پوهنې رئیس مولوي حفیظ الله «محفوظ» د اوبو رسولو ۸ پروژو پلي کولو په اړه د پوهنې یو ملاتړ بنسټ له مسئول سره وکتل.
دواړو لوریو په یاد ولایت کې د ښوونځیو د زده کونکو لپاره د څښاک پاکو اوبو برابرولو په اړه هراړخیز بحث وکړ.
- پروان:
د خیرالمدارس دیني مدرسې جوړولو لپاره د پروان ولایت بګرام ولسوالۍ عامو خلکو لخوا ۱۲۰۰ متره مربع ځمکه وقف او د ودانۍ بنسټ ډبره یې د یاد ولایت پوهنې رئیس او مسئولینو په حضور کې کېښودل شوه.
- سمنګان:
د سمنګان ولایت پوهنې رئیس او چارواکو په حضور کې د ۸۹ بابه خصوصي مدارسو د ۱۶۰ تنو مسئولینو او مهتممینو لپاره د مسلکي وړتیا لوړولو ۱۵ ورځنی ورکشاپ پیل شو.
