د ولایتونو له پوهنې ډګره څو لنډ خبرونه

* بلخ:
د بلخ ولایت پوهنې رئیس مفتي محمد شریف «عثماني»، د یاد ولایت له والي الحاج مولوي غوث الدین رهبر سره وکتل او د یاد ولایت پوهنیز وضعیت او د پوهنې وزارت د پلانونو د پلي کولو په اړه یې بحث او نظرونه تبادله کړل.

*غزني:
د غزني ولایت پوهنې ریاست د سواد زده کړې څانګو مسئولینو لپاره د وړتیا لوړولو ۲ ورځنی سیمینار ترسره شو.

* لوګر :
د لوګر ولایت پوهنې ریاست اعلان وکړ، چې له ځانګړي پلان سره سم به د نوي ښوونیز کال لپاره د دې ولایت ښوونځیو ته ۱۸۰۰۰ نوي زده کونکي جذب کړي.
د شرایطو وړ ماشومانو نوم لیکنې پروسه به د ۱۴۰۳ لمریز کال د کب میاشتې په لومړۍ نېټه پیل او د وري/حمل میاشتې تر ۱۵مې نېټې پورې به دوام وکړي.

*بدخشان:
د پوهنې وزارت لخوا، د یوې همکارې ادارې په ملاتړ، د بدخشان ولایت پوهنې ریاست ته تعلیمي مواد، چې په کې درسي کتابونه، د تدریسي مرستو کڅوړې او دفتري توکي شامل دي، تسلیم شول او تمه کېږي د نوي ښوونیز کال په پیل کې به ښوونځیو ته ووېشل شي.