د ولایتونو پوهنې کړنو ته لنډه کتنه
هرات
د هرات ولایت د مقام مرستیال مہاجر فراهي، د یاد ولایت د پوهنې رئیس مولوي رحمت الله جابر په ملتيا د سلطان غياث الدين غوري لېسې څخه ليدنه وکړه او د يادې لېسې له مسئولينو، ښوونکو او زده کوونکو سره يې د کتنې پر مهال د ښوونځيو د ښوونيزحالت پر لاښه والي ټينګار وکړ.
همدارنګه:
د هرات ولایت پوهنې رئیس د یاد ولایت د ګذرې ولسوالۍ د پوهنې له مسئولینو، د ښوونځیو له آمرینو، مدیرانو او ښوونکو سره وکتل او د بېلابېلو موضوعاتو په ځانګړي ډول د ښوونیز وضعیت لاښه والي په برخه کې یې د مثبتو حل لارو په اړه خبرې وکړې.
نورستان
د نورستان ولایت پوهنې ریاست د یاد ولایت د واما ولسوالۍ سیمه ییزو مدارسو ته د ښوونیزو توکو،کتابونو او اداري او تدریسي پاڼو د وېش لړۍ پیل کړه.
سرپل
د سرپل ولایت پوهنې رئیس مولوي محمد رحماني، د یاد ولایت په مرکز کې د یو شمېر خصوصي او رسمي لېسو د اداري او تدریسي چارو د څارنې پرمهال، د زده کوونکو د هڅونې او ښې زده کړې په موخه پر هغوی کتابچې او درسي مواد ووېشل.
همدارنګه:
د سرپل ولایت پوهنې ریاست اداري غونډه د سیمه ییزو ادارو او مرستندویه بنسټونو د مسئولینو په ګډون، د یاد ولایت د پوهنې رئیس تر څارنې لاندې جوړه او لازم تصمیمونه ونیول شول.
