د پوهنې وزارت د تحقیقاتو او معیاري آزموینو ریاستونو د کارکوونکو لپاره سیمینار پرانیستل شو
د پوهنې وزارت د تحقیقاتو او معیاري آزموینو ریاستونو د کارکوونکو مسلکي وړتیاوو لوړولو په موخه، د یاد وزارت د تشکیلاتو رئیس مفتي عبدالحلیم حلیمي له لوري روزنیز سیمینار پرانیستل شو.
یاد سیمینار د ۲۴ تنو کارکوونکو لپاره جوړ شوی، چې ۶ ورځې به دوام وکړي او په ترڅ کې به یې د بشري سرچینو او اداري پراختیا لوی ریاست د روزونکو له خوا، د یو لړ مهمو موضوعاتو په اړه لکه: د کارکوونکو د ښه چلند اصول، اداره او مدیریت، پلان جوړونه او د کارکوونکو د کاري اجراآتو د ارزونې راپور ورکولو د کړنلارې په اړه معلومات ورکړل شي.
