د پوهنې وزارت د دعوت او ارشاد رئیس لوګر ولایت ته رسمي سفر وکړ
د پوهنې وزارت د دعوت او ارشاد د رئیس الحاج مولوي جمعه خان سروري په مشرۍ د یاد ریاست پلاوی لوګر ولایت ته ورسېد.
په پيل کې یاد پلاوي د لوګر ولایت له پوهنې رئیس مولوي عبدالرحمن حمیدي او مسئولینو سره وکتل.
همدارنګه د دعوت او ارشاد رئيس د یاد سفر اساسي موخه د خپلو ویناوو او پروګرامونو وړاندې کول وبلل او له چارواکو يې وغوښتل، چې هره ورځ د نيم ساعت لپاره ښوونکو او زده کوونکو ته د اسلام د اساساتو کتابونه تدريس کړي.
له بلې خوا د لوګر ولايت پوهنې رئيس د ورغلي پلاوي له سفر څخه د هرکلى ترڅنګ، د دعوت او ارشاد ریاست دټولو لارښوونو د عملي کولو ډاډ ورکړ.
