د پوهنې وزارت د دعوت او ارشاد ریاست پلاوي د پروان ولایت له پوهنې مسئولینو سره وکتل
د مولوي محمد نعیم عمر په مشرۍ د پوهنې وزارت د دعوت او ارشاد ریاست پلاوي پروان ولایت ته د خپل رسمي سفر په ترڅ کې، د یاد ولایت له پوهنې مسئولینو، استادانو، مدیرانو او آمرینو سره په یو شمېر مهمو ښوونیزو او اړوندو موضوعاتو خبرې اترې وکړې.
په پیل کې د پروان پوهنې رئیس د دعوت او ارشاد ریاست پلاوي ته ښه راغلاست ووایه او په خپلو خبرو کې یې د دعوت او ارشاد د پروګرامونو د پلي کولو په برخه کې د پوهنې ریاست د کړنو یادونه وکړه.
ورپسې د پوهنې وزارت د دعوت او ارشاد ریاست پلاوي وویل، دغه ولایت ته د دوی د سفر اساسي موخه، د اساسات اسلام کتاب پېژندګلوي، له مراجعینو سره د نېکې رویې سپارښتنه او د درسي نصاب له تطبیق څخه ارزونه ده.
غونډه پر یو شمېر مهمو پرېکړو سربېره، د دعائیې په لوستلو سره پای ته ورسېده.
