د پوهنې وزارت د سرچینو او ادارې معین د پروان ولایت له جهادي مدرسې او  دارالمعلمین څخه لیدنه وکړه

د پوهنې وزارت د سرچینو او ادارې معین شیخ مولوي سعید احمد شهید خیل د پروان ولایت ته د خپل کاري سفر په ترڅ کې د یاد ولایت  د جهادي مدرسې له درسي بهیر او اداري خدماتوڅخه لیدنه وکړه.  نوموړي د یادې لیدنې په ترڅ کې د مدرسې له مسئولینو، استادانو او زده کوونکو سره له نږدې ولیدل، د هغوی وړاندېزونه یې واورېدل،  له هغوی سره یې خپلې اړینې سپارښتنې شریکې کړې او هم یې د مدرسې له زده کوونکو، د پخلنځي  له مسئولینو او خدماتي کارکوونکو سره نقدي مرستې وکړې.
همدارنګه شیخ شهیدخیل صاحب  دخپل  یاد سفر په ترڅ کې د یاد ولایت له دارالمعلمین څخه هم لیدنه وکړه. د دارالمعلمین تدریسي، اداري او خدماتي چارې یې له نږدې و ارزولې او اړوند مسئولین یې خپلو دندو ته متوجه کړل.