د پوهنې وزارت د مسلکي پراختیا رئیس په هلمند ولایت کې د وړتیا لوړونې له سیمینار څخه لیدنه وکړه
د پوهنې وزارت د ښوونکو د مسلکي پراختیا رئیس الحاج مولوي محمد ابراهیم عمري او ورسره مل پلاوي، له هغه سیمینار څخه لیدنه وکړه، کوم چې د هلمند ولایت د پوهنې ریاست د مسلکي پراختیا د علمي غړو لپاره جوړ شوی ؤ.
د هلمند ولایت پوهنې رئيس الحاج مولوي محمد عوض انصاري د پوهنې وزارت د پلاوي هرکلى وکړ او د مسلکي پراختیا ریاست د راتلونکو پلانونو د پلې کولو په برخه کې یې له خپل لوري د همکارۍ ډاډ ورکړ.
د یاد سیمینار پرمهال د دندو د لایحې، موخو، اهمیت او د ښوونکو د مسلکي کېدو د تاریخي بهیر پر مرکزيت خبرې وشوې او د پوهنې وزارت د مسلکي پراختیا رئیس له ګډون والو څخه وغوښتل، ترڅو د یاد سیمینار له محتوی څخه اعظمي ګټه پورته کړي.
