د پوهنې وزارت د ښوونکو د مسلکي پراختیا رئیس د غزني ولایت له پوهنې رئیس او مسئولینو سره وکتل
د پوهنې وزارت د ښوونکو د مسلکي پراختیا رئیس مولوي محمد ابراهیم عمري، د غزني ولایت د ښوونیزو بنسټونو د تدریسي وضعیت ارزونې په ترڅ کې، د دغه ولایت له پوهنې رئیس الحاج مولوي میرنصیر احمد حسیني او مسؤلینو سره د ښوونکو د وړتیا لوړولو په تړاو نظرونه تبادله کړل.
د پوهنې وزارت پلاوي غزني ولایت ته د خپل سفر موخه د تدریسي وضعیت څېړنه، د دغه ولایت سرښوونکو، ښوونکو او د ښوونځیو د شوراګانو غړو لپاره د وړتیا لوړونې سیمینارونو پیلول وبلل او ټاکل شوې ده چې د ۸۰بابه ښوونځیو ۱۶۰ تنو ښوونکو ته په مرکز او ولسوالیو کې سیمینارونه جوړ او پرېکړه وشوه چې په د ۸۰۰ ښوونکو او د مرکز او ولسوالیو د ښوونځیو د شوراګانو ۸۰۰ تنو غړو ته د وړتیا لوړونې سیمینارونو هم جوړ شي.
په یاده غونډه کې د غزني ولایت د پوهنې او د پوهنې وزارت د ښوونکو مسلکي پراختیا د مسئولینو ترمنځ پرېکړه وشوه، چې په راتلونکي کې به هم د یاد ولایت د ښوونکو د وړتیا لوړونې او مسلکي کېدو په برخه کې خپلو هراړخیزو همکاریو ته لاپسې دوام ورکړي.
