د پوهنې وزارت ستر سلاکارد کندهار ولایت له ښوونځیوڅخه لیدنه وکړه
د پوهنې وزارت ستر سلاکار، محترم الحاج مولوي غیاثالدین آغا، د ښوونیزو چارو لا ښه همغږۍ او پرمختګ په موخه د کندهار ولایت د ښوونځيو له آمرینو او کتابدارانو سره کاري او لارښوونیزه غونډه ترسره کړه.
په پیل کې د کندهار ولایت پوهنې رئیس، محترم الحاج مولوي فخرالدین نقشبندي، په دغه ولایت کې د ښوونیز بهیر، د ښوونځیو د چارو د تنظیم او د یاد ریاست د فعالیتونو په اړه پلاوي ته معلومات وړاندې کړل.
وروسته پلاوي د ښوونځيو له مسوولینو سره د هغوی د مسوولیتونو، ښوونیز نظم او انضباط، د کتابونو د منظمې ساتنې او کارونې، د زدهکوونکو ترمنځ د مطالعې فرهنګ د پیاوړتیا او د ښوونیز چاپېریال لا ښه والي په اړه هر اړخیزې خبرې ترسره او لازمې لارښوونې وړاندې کړې.
