د پوهنې وزارت سرپرست په حضور کې له ۲۷۰ تنو راستنېدونکو زدهکونکو څخه آزموینه واخیستل شوه
هېواد ته د راستنېدونکو کډوالو ماشومانو د تعلیمي کچې معلومولو لپاره د آزموینو لړۍ په دوام، دا ځل د کابل ښار پوهنې ریاست، د پوهنې وزارت د سرپرست الحاج مولوي حبیب الله آغا په حضور کې، له ۲۷۰ تنو کډوالو زدهکونکو څخه د هغوی د ښوونیزې کچې معلومولو په موخه آزموینه واخیسته.
په همدې مناسبت جوړه شوې غونډه کې، د پوهنې وزارت سرپرست په خپله علمي وینا کې د راستنېدونکو کډوالو هرکلی وکړ او د علم او پوهې د ارزښت په تړاو یې د خبرو پر مهال څرګنده کړه، چې د افغانستان.ا.ا. د حاکمیت له امله په هېواد کې د زدهکړې لپاره بشپړ امن او خوندي چاپېریال برابر شوی دی.
نوموړي په راستنېدونکو کډوالو غږ وکړ، چې له دغه خوندي چاپېریال او آسانتیاوو څخه ګټه پورته کړي، خپل ماشومان مدارسو او ښوونځیو ته واستوي او د دښمنانو هغو بې بنسټه تبلیغاتو ته غوږ ونه نیسئ، چې وایي په هېواد کې امن او خوندي چاپېریال وجود نه لري.
په ورته وخت کې د کابل ښار پوهنې رئیس قاري عبدالباسط حقاني هم د هېواد په پرمختګ او د ټولنې په هوساینه کې د ښوونې او روزنې اهمیت په اړه خبرې وکړې او په پورته ذکر شوې آزموینه کې یې د بشپړې روڼتیا ډاډ ورکړ.
