د پوهنې وزارت لخوا د امام ابويوسف نمونوي لېسې د ښوونکو اړوند١٣ خالي بستونو لپاره د آزاد رقابت آزموینه واخيستل شوه 

د پوهنې وزارت د ځانګړې کړنلارې پر بنسټ، د امام ابويوسف نمونوي لېسې د ښوونکو اړوند خالي بستونو لپاره د آزاد رقابت آزموینه ترسره شوه٠
دغه ازموينه د پوهنې ورارت د ښوونکو د روزنې او مسلکي پراختيا د رٸيس، آمرينو او چارواکو په حضور کې پیل شوه.
د پوهنې وزارت د ښوونکو د روزنې او مسلکي پراختيا رٸيس محترم مولوي محمدابراهيم عمري وويل: په یادو بستونو کې چې مخکې اعلان شوي وو، د ښوونکو ١٣ بېلابېل بستونه شامل وو، چې ټولټال ٧١٧ تنو ورته نومليکنه کړې وه او له دې ډلې يې ٢٧٦ تنه د شرايطو وړ وبلل شول، چې د اړینو اداري پروسو له بشپړولو وروسته یې نن آزموینه له ځانګړې کړنلارې سره سمه واخيستل شوه.
نوموړي ډاډ ورکړ چې د ازموينې ټول مراحل به تر هراړخيزې او شفافې ارزونې وروسته پلي او وړ کادرونه به په يادو بستونو کې وګمارل شي٠