د پکتیا ولایت له ۳ بابه ښوونځیو سره د څه کم ۲۵۰ زره افعانیو مرسته وشوه
د ښوونځیو زده کونکو ته د زده کړې لاښه لاسرسي په موخه، د پکتیا ولایت زرمت ولسوالۍ د خلکو لخوا د دولت زی، باتور او ایمني لېسو سره د ۲۴۳ زره افغانیو مالي مرسته شوې ده، چې د درسي خونو د ترمیم او جوړولو، د تدریسي وسایلو د پېرودلو او د قراردادي ښوونکو ګمارلو لپاره به وکارول شي.
د پوهنې وزارت مشرتابه د پکتیا ولایت د علم پروره خلکو لخوا د هېواد پوهنیز نظام سره د مالي مرستې له امله مننه او قدرداني کړې او له زدهکوونکو یې غوښتي دي، چې د تعلیمي آسانتیاوو څخه په ګټه اخیستلو او د خپلو ښوونځیو په سمه توګه استفاده کولو کې لازیات زیار وباسي.
