د کاپیسا ولایت د ښوونکو روزنیز ورکشاپ څخه بیاکتنه وشوه
د کاپیسا ولایت د پوهنې رئیس محترم الحاج مولوي محمد فرید حقاني او ورسره مل پلاوي لخوا، د یاد ولایت په نجراب، تګاب او الهسای ولسوالیو کې د "ښوونکو لپاره د اغېزمن تدریس او مؤثرې زده کړې" تر سرلیک لاندې له شپږ ورځني روزنیز ورکشاپ څخه څارنه او بیاکتنه ترسره شوه.
پلاوي د ورکشاپ پرمختګ، د روزنې په پروسه کې د اړونده ټیم د کاري مېتودونو، د ښوونکو فعال ګډون، د توکو وړاندې کولو کیفیت او د تعلیمي موادو کارول وڅېړل.
مشاهدو وښودله چې ورکشاپ له مخکیني پلان سره سم ترسره او ۳۵۵ سیمه ییزو ښوونکو پکې برخه اخیستې وه، چې وړاندې شوې محتوا یې د ښوونکو له دندو او اړتیاوو سره سمه پلې شوه.
