د کندز ولایت د پوهنې ریاست ته، د کرونا وایروس د واکسین د ورکړې ژمنه
د پوهنې وزارت، کندز: ټاکل شوې ده چې په کندز ولایت کې د یولسو زرو څخه ډیرو ښوونکو او کارکوونکو ته د عامې روغتیا وزارت لخوا د کرونا وایروس واکسین ولګول شي.
د کندز ولایت د پوهنې رئیس نجیب الله ثاقب د یاد ولایت د عامې روغتیا له رئیس احسان الله افضلي سره په یوې ګډې ناستې کې، د یاد ولایت په مرکز او ولسوالیو کې د دولتي او خصوصي ښوونځیو ښوونکو او کارکوونوکو ته د کرونا وایروس د لګولو په څرنګوالي خبرې وکړې.
ټاکل شوې چې یاد بهیر به په دوو پړاونو کې ترسره کیږي لومړي پړاو کې به د پوهنې ریاست کارکوونکو ته واکسین لګول کیږي.
