د کندهار د پوهنیز بهیر د وضعیت او د ښوونځیو د تشکیل د متوازن کولو په موخه غونډه جوړه شول
د پوهنې وزارت_کندهار: د کندهار د پوهنیز بهیر د وضعیت او د ښوونځیو د تشکیل د متوازن کولو په موخه د نوموړي ولایت د پوهنې ریاست په تالار کې غوڼده جوړه شوه.
په یاده غونډه کې د پوهني وزارت د پلان او ارزوني عمومي رئیس عبدالواسع ارین، د پوهني د رئیس پوهنیار محب احمد روښان تر څنګ د پوهني ریاست د برنامو ، د ولسوالیو د پوهني او نظارت امرینو، د ولسوالیو د ښوونځیو مدیرانو او د ولسوالیو د پرمختیايي شورا استازو ګډون کړی و.
د پوهني وزارت د پلان او ارزوني عمومي رئیس عبدالواسع ارین د کندهار د پوهنیز بهیر د وضعیت او د ښوونځیو د تشکیل د متوازن کولو په موخه خبري وکړي نوموړي زیاته کړه : کندهار ته زموږ د راتګ هدف همدا دی ترڅو د یادو ستونزو د حل په موخه لاره پیدا او تر مرکزه یې ورسوو.
د پوهني رئیس راغلي پلاوي ته ښه راغلاست تر څنګ وویل : کندهار پوهني ریاست ددې د پاره چي د کمیت او کیفیت له پلوه پر خپلو پښو ودریږي د (۵۰۰۰) تنو تشکیل ته سخته اړتیا لري دغه راز په ولسوالیو کي د ښځینه ښوونکو د استخدام په برخه کي منطقوي امتیازاتو ته اړتیا سته که چیري په یاده برخه کي پوهني وزارت همکاري وکړي کیدای شي په ټولو ولسوالیو کي ښځینه ښوونکي هم ولرو.
وروسته د ښاري ښوونځیو او د ولسوالیو د پوهني او نظارت امرینو په ګروپي توګه د ښوونځیو د دقیقي احصایې، صنف بندي، موجوده تشکیل او راتلونکي تشکیل په اړوند خپل نظریات او وړاندیزونه راغلي پلاوي ته وړاندي کړل ترڅو مرکزي اداره یې په اړه بشپړه همکاري وکړي
