د کندهار ولایت په ښوونځیو کې د څلور نیم میاشتنی ازموینو لړی پیل شوه
د پوهنې وزارت_کندهار: د مرغومي د میاشتي ۱۵ مه د هیواد په ګرم سیرو سیمو کې د ښوونځیو د څلور نیم میاشتنی ازموینو لومړی نیټه ده چی په لړ کي یي د کندهار ولایت په ښوونځیو کي هم دا لړی پیل شوه.
د ازمویني د بهیر څخه د څارني په موخه د پوهني ریئس پوهنیار محب احمد روښان په داسي حال کي چي د ښاري نظارت امر صدیق الله صداقت ورسره ملتیا کوله د یو شمیر ښوونځیو څخه لیدنه ترسره کړل. د لیدني پر مهال د پوهني ریئس خوښي وښووله، چي په ښوونځيو کي د ازمويني پروسه په ډېره ښه توګه روانه ده. نوموړي د ښوونځیو د آمرینو او ښوونکو څخه هیله څرګنده کړله چي هیڅ ډول فشار ته غاړه کښینږدي ترڅو هغه شاګردان چي په ازموینه کي پاته وي او یاهم لیاقت ونلري بریالي کړي ، نوموړي زیاته کړله کوښښ دي وشي چي پروسه نوره هم شفافه شي ترڅو وړ او اهل زده کوونکي راتلونکو ټولګیوته لاره پیدا کړي او یا هم فارغه شي .
ښاغلي روښان د از موینې د لیدني پرمهال زده کوونکو ته هم سپارښتنه وکړه چي په نقل نه بلکي په لیاقت باندي لوړو ټولګیو او یا هم فراغت ته لاره پیدا کړي ترڅو وکولای شي د کانکور په ازموینه کي داسي نمرې ترلاسه کړي چي لوړي زده کړي ترسره کړي نوموړي د ښوونځیو آمرینو ته په اشارې سره وویل که غواړی چي په کانکور کي مو زده کوونکي زیاتي نمرې ترلاسه او یا هم د خپلي خوښي وړ پوهنځی ته لاره پیدا کړی نو کوښښ وکړی چي په ښوونځیو کي زده کړیز بهیر ګړندی کړی او کیفیت ته خاصه پاملرنه وکړی .
