د ۷۰ ميليون افغانيو په ارزښت په عبدالحی ګرديزي عالي لیسه کې د یوې عصري ودانۍ چارې پېل شوې

media-moe
چهارشنبه ۱۳۹۹/۱/۶ - ۸:۲
د ۷۰ ميليون افغانيو په ارزښت په عبدالحی ګرديزي عالي لیسه کې د یوې عصري ودانۍ چارې پېل شوې

پوهنې وزارت پکتیا: د پکتيا والي شميم خان کټوازي لخوا د مرکز ګردېز په عبدالحی ګردېزي عالي ليسه کې د ۷۰ میلیون افغانيو په لګښت د يوې لویې او عصري ودانۍ جوړولو چارې پېل شوې. ياده ودانۍ په دريو پوړونو کې په پاخه او اساسي ډول جوړيږي، چې ۴۰ درسي او اداري خونې، دری د کنفرانسونو او غونډو تالارونه او نور اړين ملحقات به ولري، چې چارې به یې د راتلونکو دوو کالونو په موده کې بشپړې شي.
د پوهنې رئیس وایي: "سږ به یواځینی کال وي چې مونږ به زیات شمیر ښوونځیو ته د ودانیو جوړولو چارې پیل کړو، نه يواځې دا بلکې د زیات شمیر ودانیو پرانیستې به هم وکړو".

د دې تر څنګ پکتيا والي شميم خان کټوازي هم د دغې ودانۍ د بنسټ ډبرې ايښودنې په مراسمو کې وويل:
"یاده ودانۍ د ملي بودیجې څخه د ښار جوړونې وزارت له لوري په لوړ معیار او عصري ډول جوړیږي چې په جوړيدو سره به د عبدالحی ګردېزي عالي ليسې د زده کوونکو او ښوونکو ګڼې درسي او نورې ستونزې حل شي".

ښاغلي کټوازي د ودانۍ جوړونکي شرکت ته لارښوونه وکړه، چې د ودانۍ جوړښت، د ساختماني چارو کيفيت او کميت ته لازمه پاملرنه وکړي او هرڅه ژر تر ټاکل شوې مودې پورې د ودانۍ چارې بشپړې کړي.
د یادولو ده چې په دې مراسمو کې د پکتیا والي شمیم خان کټوازي په ګډون، د ولایتي شورا رئیس عبدالمالک ځاځی، د ښار جوړونې رئیس محمد رحیم افغان، د پوهنې رئیس کوچي ځاځي، د مخابراتو رئیس انجنیر عیدالله توتاخیل، قومي مشرانو اوځوانانو ګډون کړی وه.

تازه خبرونه

سه‌شنبه ۱۴۰۴/۴/۱۷ - ۱۵:۳۳
Background image

د داوطلبۍ اعلان

د پوهنې وزارت ټولو د شرایطو وړ داوطلبانو ته بلنه ورکوي چې د ۱۴۰۴ مالي کال لپاره د یاد وزارت د اساسي او ثانوي زده‌کړو ریاست لپاره، د ۲۰ قلمه سپورټي وسایلو چمتو کولو او پېرلو په موخه، د. . .

سه‌شنبه ۱۴۰۴/۴/۱۷ - ۱۵:۲۵
Background image

د غزني ولایت ښوونځیو ته د درسي موادو وېش لړۍ پیل شوه

د پوهنې یوې همکارې ادارې لخوا د ۷۲ مېلیونه افغانیو په لګښت د درسي مرستو وېش بهیر، په رسمي ډول د غزني ولایت پوهنې رئیس محترم الحاج مولوي میر نصیر احمد حسیني په حضور کې پیل شو.

پورته ذکر. . .

سه‌شنبه ۱۴۰۴/۴/۱۷ - ۱۴:۵۹
Background image

د پوهنې وزارت د کیفیت تضمین محترم معین د کابل ښار نادریې عالي لېسې آزموینو لړۍ وڅاره

د پوهنې وزارت د کیفیت تضمین معین محترم الحاج مولوي عبدالخالق «صادق» په داسې حال کې چې د یاد وزارت د څارنې او ارزنې رئیس، تخنیکي ټیم او د څلورمې ښوونیزې حوزې آمر یې هم ملتیا کوله؛ د. . .

BACK TO NEWS